المشاركات
ملاحظة : هذا البوست ما منه فايدة .. روح سو لك شي مفيد احسن لك !
ايام العز كنا مسافرين انا و بو سعيد ..
ركبنا الطيارة .. و ركب يمي صبي عمره يمكن 18 سنة ..
سحبت مجلة الطيارة و قعدت اتصفح .. لقيت موضوع حلو .. قلت حق بو سعيد يقراه
قام صاحبنا و فتح معانا على نفس الصفحة
المهم انا بدلت كرسيي مع بو سعيد .. لان اللي يسوي هالحركات اشكره يبي يسولف .. و انا حزتها فيني النوم
غمضت عيوني ..
جان اسمع صاحبنا يسولف مع بو سعيد
طلع اول مرة يركب الطيارة و حده مخترع
و اللي هذي حالته دايما يسأل عن حوادث الطيارات
قال له بو سعيد : اي عادي .. لحظة خل اسأل بو سعد .. بو سعد جم مرة طاحت فيك الطيارة ؟
فتحت عيوني وانا مالي خلق : مادري ست سبع مرات .. ليش ؟
بو سعيد : اي صح وحدة منهم لما كنا رايحين المكان الفلاني
الحوار هذا يدور .. و الولد مسيكين عيونه وصلت طرف خشمه
التفت بو سعيد عليه : لا عادي لا تخاف .. احنا متعودين نقدر نساعدك لو طاحت الطيارة
قال المسكين : يعني عادي تطيح الطيارة ؟ ماكو مشكلة ؟
بو سعيد : هي مشكلة بس يعني ما عليك احنا نعجبك
بعدين طمنه بو سعيد ان قصدنا مو تطيح يعني تبط على ويهها .. تطيح يعني تنزل
تلقى الولد يقول بقلبه : يا الميانين عفستوني .. الشرهة مو عليكم .. الشرهة على اللي يحاجيكم
و بعدين قعد بو سعيد يسولف وياه ولا خلوني انام ..
هذا بالروحة ..
بالردة .. انا خذيت الكرسي الطرفي عشان محد يقعد يمي
بو سعيد قعد يمه واحد
و اي شي يسويه بو سعيد .. الحبيب يقلده
نقزني بو سعيد .. و قمنا نسوي اشياء غريبة بالكلينكس المعطر ( مال الطيارة ) .. و الحبيب معانا
آخر شي صفطنا الكلينكس و رديناه بقرطاسه و خشيناه بمخابينا .. و الاخو معانا
لما وصل الاكل قعدنا نصف القفاش و الشوك صفة معينة قبل ما ناكل .. و الطيب معانا
و لولا الحيا جان ربطنا روسنا بالفوط اللي تنحط بالحضن .. بس عشان نشوف يسويها ولا لا ؟
و الله كنا فاصلين ..
و سلامتكم و تعيشون ..
و كل واحد وصل هني بالقراءة يشوف له حل مع هالفضاوة !