على خفيف

كلمات خفيفة سريعة لطيفة و قد تكون احيانا ظريفة

.






الجهاز اعلاه اسمه


PrePaid meter

يعني الميتر المسبوق الدفع .. مثل خط ايزي بس حق الكهرباء .. و فيه نوع حق الماي

تشحن الكرت و تحطه بالجهاز .. و يقول لك جم باجي فيه

و اذا خلص .. تفصل الكهرباء تلقائيا

انا شفته في بريطانيا .. و استعملته ..

و الصراحة ما عمري احترمت الكهرباء مثل هذيج الايام لووول

يا جماعة امشي و اطفي !!

الليتات من صوب و التلفزيون من صوب واللابتوب من صوب .. وانت رايح !!

و كل شوي اطالع الميتر :

"عسى ما نزل الرقم ؟"

"متى لازم اشحنه ؟"

"اهااا اليوم مخربينها الجماعة .. لاعبين بالحلال !!"

لدرجة اننا في آخر يوم لنا .. متيمعين على التلفزيون و مطفين الليتات لا يفصل علينا لانه باجي فيه شوية

و يوم يينا نطلع .. خليت الليتات شابة عشان يخلص و اللي يسكن ورانا يشحن .. شرايكم بالنحاسة ؟ لووول

...


ادري ان الشق عود و ان المسألة اكبر من جذي و ان فيها مصالح و تنفيع و شرباكة مالها اول من تالي ..

بس يمكن يسمع صوتي احد هامته الديرة .. و يطبق هالنظام : )

11 التعليقات:

اسمحلي اقولك يابوسعد أن هالجهاز تمت دراسته بوزارة الكهرباء من قبل 4-5 سنوات تقريباً ويمكن بعد جرى تطبيق فعاليته على جم مبنى لدراسته عدل على أن يتم تطبيقه بالقريب العاجل..

والحين مرت تقريباً 5 سنوات من يوم سمعت عن تطبيق الفكرة بالكويت وللحين ما شفنا شي!!

الله المستعان

تقبل مروري الأول :)

سمعت عن الهجهاز ان بطبقونه باغلب البيوت ويقولون ان راح يقلل من مشكله الكهربا!

ضحكت على نحاستك ههههههه

شكرا :>

ساعات أحاول ما أهتم.. المشاكل ما تخلص والهروب مو حل.. والحل لو كان عندي.. محد بيسمعه فأسكت!
الله كريم! :)

Engineer A

زين يعني قاطعين شوط بالموضوع بس اكو احد متضرر منه و موقفه .. الله يفكنا من شره : )

حياج الله اخيتي و شاكر لج المرور الاول

شاي الضحى

الله يسمع منج و يتطبق يا رب : )

حياج الله اخيتي

Seema*

السوالف بلاش وانا اخوج .. و الواحد كل يوم يسولف بألف سالفة مالها معنى .. ما يضر لو زادهم وحدة ولا ثنتين مفيدين : )

يا هلا فيج اخيتي

الأخ الفاضل :: بو سعد ::
أسعد الله صباحك بكل خير ..

فعلاً .. هذا الحل جدًّا بسيط ..

أطيب الأمنيات

اخي الحبيب ابو سعد

صباحك ازهى من عروس ليلة عرسها

اشكر لك نورك : )

فكرة روعة ..
الصراحة اكتشفت إن سفراتي في الفترة الأخيرة لبلاد الغرب لم تزد إلا وجع القلب على حالنا .. الله يعين

مستعدة

الحال من بعضه .. لما الواحد يشوف النظام عندهم .. يتحسر على حالنا .. شحقه طايفينا هالكثر ؟

حياج الله اخيتي 

أزال أحد مشرفي المدونة هذا التعليق.

إرسال تعليق