السلام عليكم و رحمة الله و بركاته
مساكم الله بالخير جميعا
اعتذر عن الغياب المفاجئ و الطويل .. و اشكر كل من راسلني او سأل عني في المدونة
كل واحد يمر بظروف .. عاد الايام اللي طافت كان دوري انا : )
المهم انتو شلونكم و شخباركم ؟
حضرتي ناسي اللي كاتبه بمدونتي .. و مالي خلق اقراه مرة ثانية .. فـ سامحوني اذا كلامي مكرر .. هذا اذا انتبهتوا طبعا !
---
روتين الحكومة يقتل الروح .. و الطموح ..
تسأل الموظف - ببساطة - : شنو المطلوب يا المملوح ؟ <---- تدهن سيره .. يمكن تكسر خاطره و يسهل امورك !
يقول لك : كل شي مشروح !!
تقول له : وين ؟
يرد : على اللوح !!
تلتفت .. عشان تشوف اللوح ..
ولا نص الكلام اللي عليه .. ممسوح !!
000
و الطلبات اللي فيه جلفه ..
صورة من كل مستند حكومي تعرفه
واللي ما تعرفه .. أسأل - اذا لقيت - احد يعرفه !!
كلش كلش .. ناد لك مندوب مصري .. وهو يألفه !!
000
ومطلوب 3 صور شخصية ..
خلفيتها زرقا .. لا حمرا ولا برونزية ..
ممنوعة فيها الابتسامة .. جنك راعي مكتب رادين عليه خدامة !
ويهك فيها مكشر .. تقول شايب اقشر .. ولا واحد بعز الحر قاعد يبدل بنشر !
000
و لو فرضنا انك لقيت كل هالاوراق و ضبطت الامور !
لا تستانس .. طالع يمينك .. طابوووووور !!
وانت خوش ريال .. امسك دور ..
و لا يضيق خلقك .. تراك بطرف دردور ..
000
هالدردور اسمه دردور التواقيع
من دار لي دار .. مليون توقيع !
توقيع شد بلاده .. و توقيع تجميع !
و اللي يعرف له بنغالي .. صدقوني ما يضيع : )
000
خلصت التواقيع ؟ الحين باجي الاختام
اشكال و الوان و اصناف و احجام !!
عشرة ورا الورقة .. و عشرين جدام ..
عن ريحة حبرها يبيلك كمام !!
000
الورقة صارت زرقا .. و الحبر تلف ثيابك !
و بيبان غيرك تنفتح .. و انت مصكوك بابك !!
و لاعت جبدك و جبد ابوك اللي يابك !!
باجي لك شعرة .. و تفلت اعصابك !!
000
رديت للموظف قال لك بس تمام
تحط لي الرسوم و نقول لك سلام
بس الصندوق مسكر .. ليش ؟ خلص الدوام !!
بس الساعة توها اثناعاااااااااااااااااااااااااااااااااااااااااااااااااااااااااااااااااااااااااااااااااااااااااااااش !! بالله عليكم .. مو حرام ؟؟؟؟؟ :(
مساكم الله بالخير جميعا
اعتذر عن الغياب المفاجئ و الطويل .. و اشكر كل من راسلني او سأل عني في المدونة
كل واحد يمر بظروف .. عاد الايام اللي طافت كان دوري انا : )
المهم انتو شلونكم و شخباركم ؟
حضرتي ناسي اللي كاتبه بمدونتي .. و مالي خلق اقراه مرة ثانية .. فـ سامحوني اذا كلامي مكرر .. هذا اذا انتبهتوا طبعا !
---
روتين الحكومة يقتل الروح .. و الطموح ..
تسأل الموظف - ببساطة - : شنو المطلوب يا المملوح ؟ <---- تدهن سيره .. يمكن تكسر خاطره و يسهل امورك !
يقول لك : كل شي مشروح !!
تقول له : وين ؟
يرد : على اللوح !!
تلتفت .. عشان تشوف اللوح ..
ولا نص الكلام اللي عليه .. ممسوح !!
000
و الطلبات اللي فيه جلفه ..
صورة من كل مستند حكومي تعرفه
واللي ما تعرفه .. أسأل - اذا لقيت - احد يعرفه !!
كلش كلش .. ناد لك مندوب مصري .. وهو يألفه !!
000
ومطلوب 3 صور شخصية ..
خلفيتها زرقا .. لا حمرا ولا برونزية ..
ممنوعة فيها الابتسامة .. جنك راعي مكتب رادين عليه خدامة !
ويهك فيها مكشر .. تقول شايب اقشر .. ولا واحد بعز الحر قاعد يبدل بنشر !
000
و لو فرضنا انك لقيت كل هالاوراق و ضبطت الامور !
لا تستانس .. طالع يمينك .. طابوووووور !!
وانت خوش ريال .. امسك دور ..
و لا يضيق خلقك .. تراك بطرف دردور ..
000
هالدردور اسمه دردور التواقيع
من دار لي دار .. مليون توقيع !
توقيع شد بلاده .. و توقيع تجميع !
و اللي يعرف له بنغالي .. صدقوني ما يضيع : )
000
خلصت التواقيع ؟ الحين باجي الاختام
اشكال و الوان و اصناف و احجام !!
عشرة ورا الورقة .. و عشرين جدام ..
عن ريحة حبرها يبيلك كمام !!
000
الورقة صارت زرقا .. و الحبر تلف ثيابك !
و بيبان غيرك تنفتح .. و انت مصكوك بابك !!
و لاعت جبدك و جبد ابوك اللي يابك !!
باجي لك شعرة .. و تفلت اعصابك !!
000
رديت للموظف قال لك بس تمام
تحط لي الرسوم و نقول لك سلام
بس الصندوق مسكر .. ليش ؟ خلص الدوام !!
بس الساعة توها اثناعاااااااااااااااااااااااااااااااااااااااااااااااااااااااااااااااااااااااااااااااااااااااااااااش !! بالله عليكم .. مو حرام ؟؟؟؟؟ :(