المشاركات
كنت قاعد مع واحد من الربع .. فقال لي : بو سعد .. اسمع هالسالفة هذي ..
قلت : خير ؟
جان يسولف لي عن زميله في العمل .. يقول :
قبل الغزو بسنين طويلة .. كنت في لندن .. و صادفت واحد عراقي .. يحتاج خدمة .. فخدمته .. وصار بيننا علاقة حلوة
يوم بغيت ارجع الكويت .. عطاني رقم تلفونه بالعراق و قال : ( اي شي تريده دُق عليّ ، و ما يصير خاطرك الا طيب ) - المعذرة ترى ما اضبط اللهجة
-
رجعت الكويت و نسيته .. و قعدت سنين .. و تعاقدت مع مقاول عراقي عشان ابني لي بيت .. المقاول باق مني 60 الف دينار و انحاش العراق !!!
طبعا حكم العراق ايامها معروف .. شلون اقدر اخذ حقي منه ؟ و بعدين عراقي ما اعرف عنه الا اسمه ..وين راح القاه بين هالملايين ؟
يأس فظيييييييع .. و احبااااااط .. فلوسي و راحت علي
تذكرت صاحبي العراقي .. بس شنو راح يسوي يعني ؟!
قلت على الاقل خلني احاول .. يمكن يطلع يصير له او من ربعه ..
دورت رقمه .. و قلت له الخبر .. فقال لي تعال و ما يصير الا الخير ..
و رحت له في بر العراق .. ولا بيت شعر و قاعد صاحبنا .. رحب فيني وتريقنا و قال يالله قوم ..
رحنا مدينة قريبة .. و وصلنا ذاك القصر
سأله الحارس : وين ؟ قال له : ( افتح اريد اشوف الريس )
فتح الباب .. و نزلنا و مشينا الى ان وصلنا قاعة كبيرة .. فيها واحد شكله مألوف ..
يا ربي انا متأكد اني اعرف هالويه
صدام حسين
ما صدقت عيوني ..
قام صدام و سلم على صاحبي و بالاحضان و يضحك و يسولف و ينكت ..
قال صاحبي : ( هذا اخوي .. بايقين منه كذا و كذا ) ..
طالعني صدام و قال : اتعرف اسم اللي بايقك ؟
قلت : اي
التفت على واحد و قال له : ناد مدير الاستخبارات
وصل مدير الاستخبارات ..
قال له صدام : في مواطن اسمه فلان .. اريده هنانه بعد ساعة
بعد ساعة ؟! ليش هو قاعد يلعب كرة مع الربع بالفريج و بيروح يناديه ؟!!!
هذا قاعد يدور واحد بين ملايين !!!
المهم انا شكو .. اهم شي ابي فلوسي
تمشينا مع صدام بالقصر فترة .. و بعدين قال لنا عندكم مدير الاستخبارات .. اذا ما لقاه خبروني ..
سلمنا عليه و مشينا .. بعدين عرفت ان صاحبي شيخ قبيلة .. و رفيج صدام من سنين !
رحنا و قعدنا عند مدير الاستخبارات .. ولا صايدين المقاول العراقي
بصراحة ما عمري شفت استخبارات اقوى من جذيه
لأي درجة متغلغلين بين الناس ؟ شدعوه كل هالدقة ؟!!
قال مدير الاستخبارات للمقاول : وين فلوس الرجال ؟
قال المقاول : اي فلوس ؟ ما عندي فلوس
قال : شوف .. ما راح نطقك ولا راح نسوي لك شي .. ولا راح نرسل معاك احد .. اتروح الحين و تجيب الفلوس و ترجع .. اذا غابت الشمس و ما جبتهم ما يصير خير
طلع المقاول .. التفت مدير الاستخبارات على صاحبي وقال : يابى ليش متعب نفسك و رايح للريس .. تعال إلنا احنا موجودين
قال صاحبي : لا آني رِدِت أصبح على الريس
رجع المقاول و معاه فلوسي اللي توها مو عنده
اخذتهم و سلمت على صاحبي و شكرته
و رجعت الكويت و انا مو مصدق هاللي صار !!
و صدق من قال : "سو خير و قطه بحر"
** من الارشيف ، كتبتها سنة 2002
قلت : خير ؟
جان يسولف لي عن زميله في العمل .. يقول :
قبل الغزو بسنين طويلة .. كنت في لندن .. و صادفت واحد عراقي .. يحتاج خدمة .. فخدمته .. وصار بيننا علاقة حلوة
يوم بغيت ارجع الكويت .. عطاني رقم تلفونه بالعراق و قال : ( اي شي تريده دُق عليّ ، و ما يصير خاطرك الا طيب ) - المعذرة ترى ما اضبط اللهجة
-رجعت الكويت و نسيته .. و قعدت سنين .. و تعاقدت مع مقاول عراقي عشان ابني لي بيت .. المقاول باق مني 60 الف دينار و انحاش العراق !!!
طبعا حكم العراق ايامها معروف .. شلون اقدر اخذ حقي منه ؟ و بعدين عراقي ما اعرف عنه الا اسمه ..وين راح القاه بين هالملايين ؟
يأس فظيييييييع .. و احبااااااط .. فلوسي و راحت علي
تذكرت صاحبي العراقي .. بس شنو راح يسوي يعني ؟!
قلت على الاقل خلني احاول .. يمكن يطلع يصير له او من ربعه ..
دورت رقمه .. و قلت له الخبر .. فقال لي تعال و ما يصير الا الخير ..
و رحت له في بر العراق .. ولا بيت شعر و قاعد صاحبنا .. رحب فيني وتريقنا و قال يالله قوم ..
رحنا مدينة قريبة .. و وصلنا ذاك القصر
سأله الحارس : وين ؟ قال له : ( افتح اريد اشوف الريس )
فتح الباب .. و نزلنا و مشينا الى ان وصلنا قاعة كبيرة .. فيها واحد شكله مألوف ..
يا ربي انا متأكد اني اعرف هالويه
صدام حسين
ما صدقت عيوني ..
قام صدام و سلم على صاحبي و بالاحضان و يضحك و يسولف و ينكت ..
قال صاحبي : ( هذا اخوي .. بايقين منه كذا و كذا ) ..
طالعني صدام و قال : اتعرف اسم اللي بايقك ؟
قلت : اي
التفت على واحد و قال له : ناد مدير الاستخبارات
وصل مدير الاستخبارات ..
قال له صدام : في مواطن اسمه فلان .. اريده هنانه بعد ساعة
بعد ساعة ؟! ليش هو قاعد يلعب كرة مع الربع بالفريج و بيروح يناديه ؟!!!
هذا قاعد يدور واحد بين ملايين !!!
المهم انا شكو .. اهم شي ابي فلوسي
تمشينا مع صدام بالقصر فترة .. و بعدين قال لنا عندكم مدير الاستخبارات .. اذا ما لقاه خبروني ..
سلمنا عليه و مشينا .. بعدين عرفت ان صاحبي شيخ قبيلة .. و رفيج صدام من سنين !
رحنا و قعدنا عند مدير الاستخبارات .. ولا صايدين المقاول العراقي
بصراحة ما عمري شفت استخبارات اقوى من جذيه
لأي درجة متغلغلين بين الناس ؟ شدعوه كل هالدقة ؟!!
قال مدير الاستخبارات للمقاول : وين فلوس الرجال ؟
قال المقاول : اي فلوس ؟ ما عندي فلوس
قال : شوف .. ما راح نطقك ولا راح نسوي لك شي .. ولا راح نرسل معاك احد .. اتروح الحين و تجيب الفلوس و ترجع .. اذا غابت الشمس و ما جبتهم ما يصير خير
طلع المقاول .. التفت مدير الاستخبارات على صاحبي وقال : يابى ليش متعب نفسك و رايح للريس .. تعال إلنا احنا موجودين
قال صاحبي : لا آني رِدِت أصبح على الريس
رجع المقاول و معاه فلوسي اللي توها مو عنده
اخذتهم و سلمت على صاحبي و شكرته
و رجعت الكويت و انا مو مصدق هاللي صار !!
و صدق من قال : "سو خير و قطه بحر"
** من الارشيف ، كتبتها سنة 2002